Month: April 2025

55. ársþing Ungmennasambands Vestur-Skaftafellssýslu fór fram á Hótel Kötlu síðastliðinn föstudag, 25. apríl. Félagar í Ungmennafélaginu ÁS voru tilnefndir til viðurkenninga í eftirfarandi flokkum: Íþróttamaður ársins, efnilegasti íþróttamaðurinn og sjálfboðaliði ársins. Þeir Ásgeir Örn Sverrisson, Daníel Smári Björnsson og Sigurður Gísli Sverrisson frá UMFÁS voru tilnefndir í flokknum íþróttamaður ársins. Ásamt þeim Agli Atlasyni (Umf. Kötlu), Kristínu Lárusdóttur (Hmf. Kópi) og Vilborgu Smáradóttur (Hmf. Sindra). Það var Egill Atlason Waagfjörð, Ungmennafélaginu Kötlu, sem var útnefndur íþróttamaður ársins hjá USVS. Pétur Yngvi Davíðsson var tilnefndur sem efnilegasti íþróttamaðurinn en það var Ingólfur Atlason Waagfjörð, Ungmennafélaginu Kötlu, sem hlaut þann titil. Þeir…

Móðuharðindin, körfuboltamót UMFÁS í fullorðinsflokki, fór fram í íþróttamiðstöðinni á Kirkjubæjarklaustri síðastliðinn laugardag 26. apríl. Að þessu sinni voru mætt þrjú lið til leiks. Sigurvegarnir frá því í fyrra í ÁS Young Bloods, Íþróttafélagið Dímon átti lið í fyrsta skipti og svo voru liðsmenn ÁS Old Boys að sjálfsögðu mættir til leiks enn eitt árið. ÁS Young Bloods komu, sáu og sigruðu annað árið í röð. Í öðru sæti var Íþróttafélagið Dímon og í þriðja sæti voru heimamenn í ÁS Old Boys. Það var Ásgeir Örn Sverrisson (ÁS Young Bloods) sem var útnefndur leikmaður mótsins en hann var jafnframt stigahæstur,…

Ungmennafélagið ÁS stóð fyrir leikjafjöri fyrir alla fjölskylduna í íþróttahúsinu á Sumardaginn fyrsta. Fleiri félagasamtök voru með viðburði á dagskránni því fyrr um daginn fór fram Firmakeppni Hestamannafélaganna Kóps og Sindra að Syðri-Fljótum og að loknu leikjafjöri UMFÁS bauð Kvenfélag Kirkjubæjarhrepps upp á kaffihlaðborð í Félagsheimilinu Kirkjuhvoli. Vel var mætt í íþróttahúsið og var farið í ýmsa skemmtilega leiki þar má meðal annars nefna brennó og hlaupa í skarðið. Einnig var farið í boðhlaup sem innihélt ýmsar þrautir t.d. pokahlaup, með kartöflu í skeið, myllu og hlaupa með badmintonflugu á spaða. Í lokin var farið í reipitog. Margir nýttu sér…

Samhliða páskafríii í grunnskólanum þá fara íþróttaæfingar barna og unglinga einnig í frí. Þær hefjast að nýju þriðjudaginn 22. apríl. Einhverjar fullorðinsæfingar og viðburðir hjá 60+ hreyfihópnum verða í næstu viku og verður það auglýst betur í dagskrá vikunnar sem birtist hér á heimasíðunni og á Facebook á sunnudaginn. Svo er einnig rétt að minna á heimsókn Borðtennissambands Íslands á Kirkjubæjarklaustur en þau verða í íþróttamiðstöðinni kl. 11:30-13:00 á morgun með opna æfingu og svo mót frá kl. 14:00. Hvetjum alla sem hafa tök á að taka þátt í þessu! Gleðilega páska og njótið sem allra best með fólkinu ykkar!

Við ætlum að endurtaka leikinn frá því síðasta sumar og vera með göngur á föstudögum á komandi sumri. Fyrsta ganga sumarsins verður 13. júní og sú síðasta 25. júlí. Unnið er að því að setja saman göngudagskrá fyrir sumarið. Hafi einhver áhuga á því að bjóða upp á göngu í sínu nærumhverfi í sumar væri það mikið skemmtilegt! Dagsetningar sumarsins eru eftirfarandi:13. júní 20. júní 4. júlí - Vantar11. júlí18. júlí - Vantar25. júlí - Vantar Endilega hafið samband við Sigga íþróttafulltrúa í síma 691-9594 eða í tölvupósti, siggi@klaustur.is ef þið hafið áhuga á að bjóða upp á göngu.

Í gærkvöldi fór fram spennandi blakleikur í íþróttahúsinu á Kirkjubæjarklaustri þar sem blakkonur í UMFÁS skoruðu á ÁS old boys körfuboltaliðið í leik. ÁS konur byrjuðu betur og unnu fyrstu tvær hrinurnar, þá fyrri 25-19 og þá seinni 25-22. Eftir það tóku körfuboltamenn við sér og unnu þriðju hrinuna 18-25. Fjórða hrinan reyndist svo æsispennandi, körfuboltamönnum tókst þar að ná fram sigri 26-28. Því þurfti oddahrinu til að skera úr um hvort liðið myndi vinna. Þar höfðu körfuboltamenn aftur betur og fullkomnuðu þar með endurkomuna eftir að hafa lent 2-0 undir. Skemmtilegur leikur, gaman að brjóta upp starfið og vera…