Year: 2025

Næsta ganga á göngudagskrá UMFÁS verður í Meðallandi föstudaginn 4. júlí næstkomandi. Göngustjóri að þessu sinni er Kristín Lárusdóttir. Mæting er að Hnausum kl. 19:00 og þaðan verður gengið að eyðibýlinu Feðgum. Gangan er c.a. 5 km samtals. Ef það verður logn er mælt með því að hafa með sér flugnanet. Verið öll velkomin!

Minnum á skráningu á fullorðinsæfingar sumarsins. Strandblak, fótbolti og körfubolti á dagskránni. Skráning á Sportabler: https://www.abler.io/shop/umfas/1

Tíunda árið í röð fór Knattspyrnu- og skákskóli AVP ehf. fram í Vík. Venju samkvæmt var skáknámskeið í Víkurskóla fyrir hádegið og svo var spilaður fótbolti á íþróttavellinum eftir hádegið. Knattspyrnu- og skákskólinn var settur á laggirnir fyrir frumkvæði AVP ehf. í Vík á sínum tíma og Sveinbjörn Jón Ásgrímsson (Sveinki) hefur haldið utan um námskeiðið öll þessi ár. Námskeiðið er opið öllum börnum og unglingum á grunnskólaaldri innan USVS. Þátttaka var mjög góð og fjölmenntu bæði iðkendur frá Umf. Kötlu og UMFÁS á námskeiðið. Við þökkum AVP ehf. og Sveinka fyrir okkur þetta árið sem og Ungmennafélaginu Kötlu fyrir…

Við eigum von á góðri heimsókn á Kirkjubæjarklaustur dagana 26.-27. júlí en þá ætlar Thelma Dögg Grétarsdóttir að koma til okkar með námskeið. Thelma er landsliðskona í blaki og strandblaki. Þar að auki er hún landsliðsþjálfari hjá unglingalandsliðum Íslands. Thelma kom einnig til okkar einn dag í ágúst 2023. Að þessu sinni verður boðið upp á tveggja daga námskeið. Fyrsti kostur er að vera með strandblaksnámskeið þessa daga ef veður leyfir en ef eitthvað verður að veðri munum við færa okkur inni í íþróttahús. Athugið að námskeiðið er í boði fyrir börn og unglinga sem og fullorðna! Við hvetjum ykkur…

Nú styttist óðum í að skráningu ljúki á æfingar sumarsins. En svo styttist jafnframt í að skráning hefjist á stærsta íþróttaviðburð sumarsins, Unglingalandsmót UMFÍ á Egilsstöðum um Verslunarmannahelgina þar sem 11-18 ára hafa keppnisrétt. Það er um að gera fyrir krakkana okkar að nýta sér þær æfingar sem eru í boði til undirbúnings fyrir landsmót. Strandblak, fótbolti, körfubolti og frjálsar eru í boði á dagskrá UMFÁS í sumar og svo má auðvitað alltaf nýta okkar góða frisbýgolf völl enda er það ein af keppnisgreinunum 20 á Unglingalandsmóti. Ekki þarf mjög marga til að manna lið í boltagreinum og er því…

Á morgun, laugardaginn 21. júní kl. 10:30 ætlum við að hittast á íþróttavellinum á Kleifum og koma vellinum í betra stand fyrir sumarið. Að verki loknu verður boðið upp á grillaðar pylsur. Ungir sem aldnir hvattir til að mæta. Alltaf jafn gaman og skemmtileg fjölskyldustund. Hlökkum til að sjá ykkur sem flest! Um að gera að taka með sér hluti eins og skóflur, hrífur, hjólbörur og annað sem kann að koma að góðum notum.

Föstudaginn 13. júní síðastliðinn var fyrsta ganga sumarsins á göngudagskrá UMFÁS. Þórunn Júlíusdóttir var göngustjóri. Gengið var meðfram Grenlæk, rúmlega 20 manns mættu í gönguna. Þórunni færum við bestu þakkir fyrir að bjóða upp á þessa skemmtilegu göngu! Föstudaginn 20. júní er önnur ganga sumarsins á dagskránni. Göngustjóri verður Guðríður Jónsdóttir. Mæting er í hlaðið í Mörtungu kl. 19:30 þaðan sem verður svo ekið að fjárhúsunum á Höfða. Athugið að aðeins er jeppafært að fjárhúsunum á Höfða og því geta þeir sem ekki eru á jeppa fengið að sitja í hjá öðrum úr hlaðinu í Mörtungu og inn á Höfða.…