Category: Fréttir

Borðtennissamband Íslands heimsækir Kirkjubæjarklaustur laugardaginn 12. apríl næstkomandi. Alltaf ánægjulegt þegar sérsamböndin kíkja í heimsókn! Fyrirkomulagið verður svoleiðis að byrjað verður á opinni æfingu fyrir allan aldur, ungir sem aldnir hvattir til að mæta. Að æfingu lokinni verður gert hlé og eftir hlé verður boðið upp á borðtennismót fyrir þá sem vilja. Endilega takið daginn frá og kynnið ykkur borðtennis þann 12. apríl!

Fyrsti íþróttaskóli vorannar verður á laugardaginn 22. febrúar frá kl. 10:00-11:00 Það er Fanney Ólöf sem hefur umsjón með íþróttaskólanum líkt og síðustu ár. Vakin er athygli á því að hvert skipti fyrir sig verður auglýst sérstaklega. Verð fyrir eitt skipti er kr. 2500 og fer skráning fram á Sportabler. Í íþróttaskólanum er fjölbreytt hreyfing og góð samvera barna og foreldra. Í íþróttaskóla læra börn allar grunnhreyfingarnar. Íþróttaskólinn er fyrir 3-5 ára. Vefverslun á Sportabler: https://www.abler.io/shop/umfarmann/

Síðastliðinn laugardag fór fram æfingamót í körfubolta á Hvolsvelli. Þar voru mætt lið frá félögum í Rangárvallarsýslu og Vestur-Skaftafellssýslu. Mótið var sett upp sem æfingamót fyrir 5.-6. bekk. Frá Ungmennafélaginu ÁS tóku 7 keppendur þátt í mótinu. Þeim fylgdi þjálfari þeirra Þorsteinn Valur. Það er svo meiri körfubolti framundan. Þann 29. mars fer ÁS mótið fram á Kirkjubæjarklaustri og verður keppni í boði fyrir 1.-8. bekk. Áður en að því kemur verður mikið um að vera hjá 7.-8. bekk. En þeir stefna á að taka þátt í Íslandsmóti KKÍ í Reykjavík 1.-2. mars. Næstkomandi föstudag spila þeir æfingaleik við Dímon…

Það er nú orðin árleg hefð að vera með handboltanámskeið í kringum stórmótin í handbolta. Námskeiðið að þessu sinni fór fram dagana 16.-18. janúar. Námskeiðið var í boði styrktaraðila UMFÁS. Fyrsta dag námskeiðsins fengum við heimsókn frá fulltrúum HSÍ. Það voru Selfyssingarnir þeir Örn Þrastarson og Rúnar Hjálmarsson sem komu til okkar. Ungmennafélagið ÁS leitaði til Kirkjubæjarskóla með samstarf í tilefni þessarar heimsóknar sem tekið var vel í og tóku allir nemendur grunnskólans þátt á handboltaæfingu þann 16. janúar. Næstu tvo daga var svo boðið upp á námskeið þar sem Sigurður Eyjólfur hafði umsjón með æfingum. Endað var á því…

Stracta Apartments Orustustaðir hefur bæst í hóp þeirra fyrirtækja sem styðja við hreyfiátak UMFÁS. Takk fyrir stuðninginn! Fyrir hafa Hótel Klaustur, Sláturfélag Suðurlands, Íþróttamiðstöðin Kirkjubæjarklaustri og Iceland Bike Farm stutt við átakið. Takk fyrir ykkar framlag!