Category: Fréttir

Ungmennafélagið Ármann boðar til félagssfundar föstudaginn næstkomandi, 17. nóvember, kl. 19:30. Fundurinn verður haldinn á Systrakaffi. Boðið verður upp á pizzahlaðborð á fundinum. Á dagskrá fundarins er kynning á hugmynd um sameiningu Ungmennafélaganna í Skaftárhreppi, Ármanns og Skafta. Félagsmenn eru hvattir til að fjölmenna og ræða sameiningarmálin frá öllum hliðum. Stjórnin

Það er með mikili ánægju sem við segjum frá því að nýr íþróttafatnaður fyrir ungmennafélögin í Skaftárhreppi verður brátt tekin í notkun. Ákveðið var að semja við Jako Sport sem þjónustar íþróttafélög um land allt. Einn af fjölmörgum kostum þess að vera hjá Jako er sá að þar getur fólk pantað vörur í vefverslun þegar hentar. Hóppantanir sem hafa tíðkast fram að þessu eru því úr sögunni. Nýr íþróttafatnaður verður merktur með nýju logo-i "ÁS". Á stendur fyrir Ármann og S fyrir Skafta. Einhyrningurinn sem margir þekkja orðið af körfuboltabúningnum birtist þar í nýrri mynd. Hönnuður logo-sins er Amanda Riffo.…

Ákveðið var á síðasta stjórnarfundi Umf. Ármanns að sameina karateæfingar á þriðjudegi og miðvikudegi í eina æfingu. Æfingar 5.-10. bekkjar og fullorðna verða hér eftir kl. 18:15 til 19:15 á þriðjudögum. Tekur þetta gildi frá og með deginum í dag, þriðjudeginum 7.11. Beðist er velvirðingar á hvað þessi breyting er auglýst með skömmum fyrirvara.

Í nóvember verður sundnámskeið í boði fyrir 1.-5. bekk. Þjálfari á námskeiðinu er Kasia. Áætlað er að námskeiðið hefjist næstkomandi föstudag, 3. nóvember. Kennt verður bæði föstudag og laugardag í þessari viku. En þetta verður betur auglýst þegar líður á vikuna. Skráning mun fara fram á Sportabler. Ekkert þátttökugjald verður á námskeiðið. Stjórn Ungmennafélagsins Ármanns ákvað á fundi sínum síðastliðinn fimmtudag að nýta styrk frá kvenfélögunum til þess að bjóða uppá námskeiðið. Við þökkum kvenfélögunum innilega fyrir að hugsa til okkar og styrkja þar af leiðandi íþrótta- og æskulýðsstarf í Skaftárhreppi.

Reynsluboltinn Ólafur Elí Magnússon ætlar að mæta ásamt nokkrum hressum Rangæingum og kynna ringó fyrir íbúum Skaftárhrepps. Þann 5. nóvember kl. 11:00 í íþróttahúsinu. Ringó er grein sem nýtur vaxandi vinsælda, svipar nokkuð til blaks en í stað bolta eru notaðir tveir gúmmíhringir. Greinin hentar öllum, ungum sem öldnum. Sem sagt sannkallað fjölskyldusport þar sem fólk á öllum aldri getur tekið þátt. Ringó er vinsæl grein meðal eldri borgara víða um land og hvetjum við alla sem hafa tök á að mæta á kynninguna þann 5. nóvember. Áhugasamir fá tækifæri til að prófa en einnig er velkomið að koma og…

Þrír viðburðir verða á vegum Ungmennafélagsins á Uppskeruhátíðinni um komandi helgi. Í gær auglýstum við Íþróttaskóla og Badminton LED. Þessir viðburðir verða á morgun, laugardag. Þriðji viðburðurinn er karatesýning en þar munu karateiðkendur í Skaftárhreppi koma fram. Sýningin verður á morgun, laugardag, og hefst kl. 12:45. Mæting hjá iðkendum er stundvíslega kl. 12:30. Verið öll velkomin, fjölmennum!

Íþróttaskóli Skaftárhrepps verður opinn á Uppskeruhátíðinni. Um er að ræða opna kynningu á íþróttaskólanum þar sem öllum er velkomið að líta við. Ekki er neitt sérstakt aldursviðmið og því hvetjum við gamla nemendur íþróttaskólans sérstaklega til að mæta og rifja upp gamla takta! Fólk getur komið og farið eftir því sem hentar hverjum og einum, opið hús milli kl. 9:30-10:30 á laugardaginn. Hlökkum til að hitta ykkur, Fanney Ólöf og co.

Opnað hefur verið fyrir skráningar í fullorðinssport Ungmennafélagsins Ármanns á haustönn. Skráningin fer fram í vefverslun félagsins á Sportabler. Á dagskránni í haust fyrir fullorðnafólkið er blak, karate, fótbolti, körfubolti, badminton og borðtennis. Lágmarksþátttaka í hverja grein er 6. Nánari upplýsingar má finna hér að neðan. Æfingatímabilið er 3. október - 14. desember. Fyrir frekari upplýsingar má senda póst á siggi@klaustur.is

Það var líf og fjör í íþróttahúsinu á Kirkjubæjarklaustri um helgina þar sem fór fram fimleikanámskeið. Þjálfari á námskeiðinu var Birna Sólveig Kristófersdóttir. Fimleikar hafa ekki mikið verið stundaðir á Klaustri. En í sumar buðum við fyrst upp á helgarnámskeið sem var mjög vel sótt og mikil ánægja var með. Það var því afar ánægjulegt að geta boðið upp á annað námskeið nú um helgina. Líkt og síðast þá var námskeiðið vel sótt og mikil gleði. Að lokum þökkum við Birnu kærlega fyrir komuna. Jafnframt færum við vinum okkar í Umf. Kötlu bestu þakkir fyrir að lána okkur dýnu fyrir…

Í dag sendi USVS inn umsókn þar sem sambandið sækir um að halda Landsmót 50+ árið 2025 á Kirkjubæjarklaustri. Sveitarstjórn Skaftárhrepps samþykkti samhljóða á fundi sínum 14. september síðastliðinn að styðja umsókn USVS. Í bókun sveitarstjórnar segir meðal annars: „Skaftárhreppur lýsir sig jafnframt reiðubúið til að vera USVS og UMFÍ til aðstoðar á hvern þann hátt sem getur orðið til þess að mótið verði sveitarfélaginu og ungmennasambandinu til sóma”. USVS hefur einu sinni staðið að framkvæmd Landsmóts 50+ en það var árið 2013 í Vík í Mýrdal. Umsóknarfrestur rennur út 1. október. Í kjölfarið tekur við einhver bið eftir að…