Year: 2024

Nú styttist óðum í að sumarstarf UMFÁS fari af stað. Fyrstu æfingar sumarsins verða næstkomandi mánudag. Æfingar sumarsins eru fyrir alla fædda 2018 og fyrr. En nánari upplýsingar má finna í upplýsingabæklingnum sem dreift var inni á öll heimili í Skaftárhreppi í síðustu viku. Hann má einnig nálgast á rafrænu formi með því að smella hér: https://issuu.com/umfas/docs/ska_ithrottir_sumar2024_01_1_ Skráning er nú í fullum gangi á Sportabler! Við viljum vekja athygli á því að við höfum lengt skráningarfrestinn til föstudagsins 14. júní. Allar æfingar verða opnar til prufu í næstu viku og hvetjum við þá sem eru óákveðnir eða eru að mæta…

Það var mikið fjör í íþróttahúsinu á Kirkjubæjarklaustri um liðna helgi þar sem krakkarnir í Ungmennafélaginu ÁS tóku þátt í karatenámskeiði. Gunnlaugur Sigurðsson, yfirþjálfari karatedeildar Hauka í Hafnarfirði, hafði umsjón með námskeiðinu. Honum til aðstoðar var karateþjálfari UMFÁS, Gunnar Erlendsson. Námskeiðið endaði á prófi þar sem Gunnlaugur mat hæfni þeirra. Allir stóðust prófið og hlutu þar af leiðandi ný belti. Svo sannarlega skemmtilegur karatevetur að baki og Gunnar að vinna flott starf með krökkunum!

Við ætlum að endurtaka leikinn frá því síðasta sumar og vera með göngur á föstudagskvöldum á komandi sumri. Fyrsta ganga sumarsins verður 14. júní og sú síðasta 9. ágúst. Unnið er að því að setja saman göngudagskrá fyrir sumarið. Hafi einhver áhuga á því að bjóða upp á göngu í sínu nærumhverfi í sumar væri það mikið skemmtilegt! Við erum með nokkrar dagsetningar sem við eigum eftir skipuleggja. Eftirfarandi dagsetningar eru lausar:21. júní5. júlí12. júlí19. júlí26. júlí Ef einhver hefur áhuga á að vera með göngu í sumar væri frábært ef viðkomandi hefði samband við Sigurð Eyjólf, íþróttafulltrúa Skaftárhrepps, hann…

Jarðvangsvika Kötlu jarðvangs er nú í fullum gangi og Ungmennafélagið ÁS er þar með einn viðburð á dagskránni. Næstkomandi sunnudag, 28. apríl, verður gengið á Orustuhól kl. 14:00 og hlakkar okkur til að sjá ykkur sem flest! Orustuhóll er eitt af jarðvættum Kötlu jarðvangs, á heimasíðu jarðvangsins segir eftirfarandi um Orustuhól.,,Orustuhóll er mosagróinn óbrennishólmi sem stendur upp úr Skaftáreldahrauni, austan Foss á Síðu, rétt sunnan þjóðvegarins. Fyrir Skaftáreldana 1783 var Orustuhóll umkringdur vatni, og sandur hvívetna þar sem Hverfisfljótið æddi stjórnlaust hvert sem það vildi. Allt það gróna land sem er suður af hrauninu var áður svartur sandur og gróðurinn…

Körfuboltamót UMFÁS, sem að þessu sinni bar heitið "Móðuharðindin 2024", var haldið í íþróttahúsinu á Kirkjubæjarklaustri síðastliðinn laugardag. Þetta var í þriðja sinn sem mótið var haldið og höfðu gamlir ÁSAR titil að verja frá síðustu tveimur mótum. Á mótið mættu til leiks fimm lið, úr Skaftárhreppi ÁS old boys og ÁS young bloods, úr Hafnarfirði Koli og Skar-Koli, fulltrúar Rangárvallasýslu voru Garparnir. Úr varð hið skemmtilegasta mót og fjölmenni var á áhorfendapöllunum. ÁS old boys tókst ekki að verja titilinn en hann verður þó áfram innan raða Ungmennafélagsins ÁS. Að þessu sinni stóðu ÁS young bloods uppi sem sigurvegarar…

Þann 13. apríl síðastliðinn fór vormót USVS í körfubolta fram á Kirkjubæjarklaustri. Framkvæmd mótsins var í höndum Ungmennafélagsins ÁS. Á mótinu kepptu iðkendur frá 5 félögum, UMFÁS, Umf. Kötlu, Umf. Dímoni, Umf. Heklu og Umf. Garpi. Alls voru þetta um 60 keppendur og þar af átti Ungmennafélagið ÁS 15. Ófærð milli Víkur og Kirkjubæjarklausturs að morgni mótsdags varð til þess að seinka þurfti mótinu um hálftíma. Keppni hófst upp úr kl. 10 og lauk um kl. 14. Á þessum tíma voru spilaðir 20 leikir í aldursflokkum 1.-6. bekkjar og gekk mótið afar vel fyrir sig. Að mótinu komu um 15…

Þá er það þetta vikulega, við minnum á æfingar vikunnar! Hlökkum til að sjá ykkur í hreyfingu og fjöri!

Líkt og með viðurkenninguna sjálfboðaliði ársins var viðurkenning veitt í fyrsta skipti fyrir lið ársins á 54. sambandsþingi USVS síðastlinn föstudag. Tvær tilnefningar bárust í flokknum lið ársins en svo skemmtilega vildi til að sama liðið var tilnefnt tvisvar. UMFÁS og Umf. Katla tilnefndu nefnilega bæði 5. flokk (11-12 ára) USVS í fótbolta sem áttu skemmtilegt og eftirminnilegt sumar. Í umsögninni sem fylgdi tilnefningunni sagði:Líkt og undanfarin ár tefldu ungmennafélögin sameiginlega fram liðum undir merkjum USVS. Fótboltasumarið 2023 var afar líflegt og skemmtilegt hjá strákunum í 5. flokki USVS. Þeir kepptu á tveimur mótum, Smábæjaleikunum á Blönduósi í júní og…