Category: Fréttir

Hér meðfylgjandi er kynningarbæklingur fyrir íþrótta- og æskulýðsstarf í Skaftárhreppi sumarið 2025. Bæklingurinn verður einnig prentaður út og dreift á öll heimili í sveitarfélaginu. Skráning hefst mjög fljótlega en um að gera að kynna sér strax hvað er í boði. bæklingursumar2025Download

Það var heldur betur mikið líf og fjör í íþróttahúsinu á Kirkjubæjarklaustri í gær þegar lokahóf vorannar fór fram. Í starfi UMFÁS er það orðin hefð að bjóða upp á lokahóf í lok hverrar annar. Þegar kemur að lokahófunum býr félagið svo vel að eiga foreldraráð sem heldur að mestu leyti utan um skipulag á þessum viðburðum. Á lokahófið mæta öll börn og ungmenni sem hafa tekið þátt í íþróttastarfinu í vetur. Foreldraráðið hafði skipulagt leikjafjör sem heppnaðist afar vel og vakti mikla lukku. Að því loknu gæddu sér allir á grilluðum pylsum. Að því loknu afhenti Sigurður Eyjólfur, íþróttafulltrúi…

Í gær fór fram síðasta karateæfing vorannar og að því tilefni buðu Gunnar og karatehópurinn hans upp á sýningu til að sýna afrakstur vetrarins. Glæsilegur hópur sem sýndi heldur betur flott tilþrif með fjölmenni á áhorfendapöllunum! Þökkum Gunnar fyrir sitt flotta starf með karatehópinn!Hér að neðan má sjá nokkrar myndir frá sýningunni.

55. ársþing Ungmennasambands Vestur-Skaftafellssýslu fór fram á Hótel Kötlu síðastliðinn föstudag, 25. apríl. Félagar í Ungmennafélaginu ÁS voru tilnefndir til viðurkenninga í eftirfarandi flokkum: Íþróttamaður ársins, efnilegasti íþróttamaðurinn og sjálfboðaliði ársins. Þeir Ásgeir Örn Sverrisson, Daníel Smári Björnsson og Sigurður Gísli Sverrisson frá UMFÁS voru tilnefndir í flokknum íþróttamaður ársins. Ásamt þeim Agli Atlasyni (Umf. Kötlu), Kristínu Lárusdóttur (Hmf. Kópi) og Vilborgu Smáradóttur (Hmf. Sindra). Það var Egill Atlason Waagfjörð, Ungmennafélaginu Kötlu, sem var útnefndur íþróttamaður ársins hjá USVS. Pétur Yngvi Davíðsson var tilnefndur sem efnilegasti íþróttamaðurinn en það var Ingólfur Atlason Waagfjörð, Ungmennafélaginu Kötlu, sem hlaut þann titil. Þeir…

Móðuharðindin, körfuboltamót UMFÁS í fullorðinsflokki, fór fram í íþróttamiðstöðinni á Kirkjubæjarklaustri síðastliðinn laugardag 26. apríl. Að þessu sinni voru mætt þrjú lið til leiks. Sigurvegarnir frá því í fyrra í ÁS Young Bloods, Íþróttafélagið Dímon átti lið í fyrsta skipti og svo voru liðsmenn ÁS Old Boys að sjálfsögðu mættir til leiks enn eitt árið. ÁS Young Bloods komu, sáu og sigruðu annað árið í röð. Í öðru sæti var Íþróttafélagið Dímon og í þriðja sæti voru heimamenn í ÁS Old Boys. Það var Ásgeir Örn Sverrisson (ÁS Young Bloods) sem var útnefndur leikmaður mótsins en hann var jafnframt stigahæstur,…

Ungmennafélagið ÁS stóð fyrir leikjafjöri fyrir alla fjölskylduna í íþróttahúsinu á Sumardaginn fyrsta. Fleiri félagasamtök voru með viðburði á dagskránni því fyrr um daginn fór fram Firmakeppni Hestamannafélaganna Kóps og Sindra að Syðri-Fljótum og að loknu leikjafjöri UMFÁS bauð Kvenfélag Kirkjubæjarhrepps upp á kaffihlaðborð í Félagsheimilinu Kirkjuhvoli. Vel var mætt í íþróttahúsið og var farið í ýmsa skemmtilega leiki þar má meðal annars nefna brennó og hlaupa í skarðið. Einnig var farið í boðhlaup sem innihélt ýmsar þrautir t.d. pokahlaup, með kartöflu í skeið, myllu og hlaupa með badmintonflugu á spaða. Í lokin var farið í reipitog. Margir nýttu sér…