Author: Siggi

Næsti göngutúr UMFÁ verður föstudaginn 28. júlí. Hreyfing fyrir alla unga sem aldna og allt þar á milli. Gengið verður að Tröllshyl í Landbroti. Mæting á hlaðið í Seglbúðum kl. 19:30, þaðan verður gengið að Tröllshyl. Endilega skráið ykkur í hópinn á Sportabler. https://www.sportabler.com/shop/umfarmann/1

Skráning á Unglingalandsmót UMFÍ sem fram fer á Sauðárkróki um Verslunarmannahelgina er nú í fullum gangi. Opið er fyrir skráningar til mánudagsins 31. júlí, mótið er fyrir börn og unglinga 11-18 ára. Keppnisgreinar mótsins eru alls 19 og því ættu allir að geta fundið eitthvað við sitt hæfi. Hvetjum alla til að kynna sér keppnisgreinarnar! Skráning fer fram á ulm.is ! USVS greiðir þátttökugjald fyrir sína keppendur líkt og síðustu ár. Á meðfylgjandi mynd má sjá fulltrúa USVS á landsmótinu 2022 á Selfossi. Þar hlaut USVS fyrirmyndarbikar UMFÍ.

Búið er að finna nýja tímasetningu á strandblaksnámskeiðið sem átti að vera í lok júní en var frestað. Námskeiðið verður 18.-20. ágúst. Umsjón með námskeiðinu hefur Thelma Dögg Grétarsdóttir og henni til aðstoðar verður Sigþór Helgason. Hvetjum fólk til að taka þessa daga frá! Skráning þeirra sem höfðu skráð sig á námskeiðið í júní gildir áfram en vilji einhver fá endurgreitt er það líka í boði. Námskeiðið verður betur auglýst þegar nær dregur.

Næsti göngutúr UMFÁ verður á morgun, föstudag. Hreyfing fyrir alla unga sem aldna og allt þar á milli. Gengið verður á Heiðarborg. Mæting á efra bílastæðið við Fjaðrárgljúfur kl. 19:30, þaðan verður gengið á Heiðarborg. Endilega skráið ykkur í hópinn á Sportabler. https://www.sportabler.com/shop/umfarmann/1

Sunnudaginn 2. júlí ætlar Siggi, íþrótta- og æskulýðsfulltrúi, að bjóða uppá kynningu á strandhandbolta. Strandhandbolti er grein sem hefur kannski ekki verið mikið stunduð hér á landi. Áhuginn fer þó vaxandi og var greinin ein sú vinsælasta á Unglingalandsmóti UMFÍ á Selfossi í fyrra. Í strandhandbolta leggjum við fyrst og fremst upp með að hafa mjög gaman og þar eru einnig ýmsar skemmtilegar reglur. T.d. gildir það sem tvö mörk ef markvörður skorar. Einnig hefur dómari heimild til að dæma tvö mörk ef markið þykir framúrskarandi flott. Fyrir áhugasama er mæting á strandblaksvöllinn við íþróttamiðstöðina kl. 13:00 á sunnudaginn. Nýlega…

Þriðja árið í röð fjölmenntu fótboltakrakkar og foreldrar þeirra úr Vestur-Skaftafellssýslu á Smábæjaleikana á Blönduósi. Frá USVS voru þrjú lið skráð til leiks, í 7. flokki (7-8 ára), 6. flokki (9-10 ára) og 5. flokki (11-12 ára), keppendur voru alls 21. Keppendur USVS stóðu sig með mikilli prýði og sáust heldur betur mörg flott tilþrif. Flott samspil, mikil barátta, glæsileg mörk og síðast en ekki síst frábær liðsheild eru orð sem lýsa vel liðum USVS á Smábæjaleikunum um helgina. Í 7. flokki var niðurstaðan 6. sæti af 10 liðum, flottur hópur og voru flestir að spila á sínu fyrsta fótboltamóti.…

Strandblaksnámskeiðið sem áætlað var að halda á Klaustri dagana 23.-25. júní hefur verið frestað. Unnið er að því að finna nýja dagsetningu í samstarfi við Thelmu Dögg sem mun hafa umsjón með námskeiðinu. Einnig er nú unnið að því að koma vellinum í stand. Í síðustu viku fengum við skeljasand í völlinn. Það er okkar von að völlurinn verði notaður sem mest, bæði í strandblak sem og strandhandbolta. Báðar greinarnar hafa notið mikilla vinsælda á Unglingalandsmótum UMFÍ.

Um liðna helgi var haldið fimleikanámskeið á Klaustri í umsjón Sindra Snæs Bjarnasonar. Sindri æfir fimleika með Stjörnunni og hefur keppt fyrir Íslands hönd á EM í hópfimleikum. Mikill áhugi var á námskeiðinu og þátttakan því mjög góð. Kennt var í tvo klukkutíma á laugardag og aðra tvo á sunnudag. Þrátt fyrir að námskeiðið hafi verið stutt mátti engu að síður sjá miklar framfarir milli daga hjá þátttakendum. Að lokum viljum við færa Sindra Snæ bestu þakkir fyrir komuna. Einnig viljum við þakka vinum okkar hjá Umf. Kötlu fyrir lánið á fimleikadýnunni sem og AVP ehf. í Vík fyrir að…

Ný heimasíða Ungmennafélagsins Ármanns opnaði um helgina og er nú farin að taka á sig góða mynd! Síðan mun koma til með að vera í stöðugri þróun næstu vikurnar. Síðan býður uppá fjölmörg tækifæri og vonumst við til að fólk nýti hana sem mest. Hér verður meðal annars hægt að nálgast upplýsingar um íþróttastarf, stjórn félagsins, fundargerðir og skemmtilega fróðleiksmola úr sögu félagsins svo eitthvað sé nefnt. Hér munu allar helstu fréttir úr starfi félagsins birtast og þeim deilt í kjölfarið á Facebook.