Author: Siggi

Fullorðinsíþróttirnar eru nú komnar í fullan gang og ýmislegt í boði. Velkomið er að koma og prófa áður en gengið er frá skráningu. Verið öll velkomin! Mánudagar.19:30-21:00 Blak21:00-22:00 RingóÞriðjudagar.18:15-19:15 Karate20:30-22:00 FótboltiMiðvikudagar.19:00-20:30 KörfuboltiFimmtudagar.19:00-20:30 Badminton/borðtennis Skráning fer fram á Sportabler: https://www.sportabler.com/shop/umfarmannNánar má lesa um dagskrá vorannar hér að neðan.

Íþróttaskóli vorannar hefst á sunnudaginn! Boðið verður upp á íþróttaskóla í 8 skipti á vorönn, á tímabilinu 14. janúar til 17. mars en allar dagsetningar má sjá hér að neðan. Í íþróttaskólanum er fjölbreytt hreyfing og góð samvera barna og foreldra. Í íþróttaskóla læra börn allar grunnhreyfingarnar. Íþróttaskólinn er fyrir 3-5 ára. Umsjón hefur Fanney Ólöf Lárusdóttir. Íþróttaskólinn er niðurgreiddur af styrkjum sem Ungmennafélagið hefur fengið frá Systrakaffi og Kvenfélaginu Hvöt og Kvenfélagi Kirkjubæjarhrepps. Takk kærlega fyrir! Hægt er að kaupa öll 8 skiptin á kr. 7000 eða stakan tíma á kr. 1000. Skráning er í fullum gangi á Sportabler!…

Í tilefni af þátttöku Íslands á EM í handbolta verður boðið upp á handboltanámskeið dagana 12.-14. janúar. Námskeiðið er í boði fyrir börn og unglinga á grunnskólaaldri. Á námskeiðinu verður farið yfir helstu grunnatriði í handbolta. Einnig er lagt upp með að kynna helstu reglur og önnur atriði til að auka skilning á því hvað er að gerast þegar horft er á handbolta. Spilaður verður handbolti föstudag og laugardag. Námskeiðinu lýkur svo á sunnudaginn með lokahófi þar sem þátttakendur á námskeiðinu koma saman og horfa á leik Íslands og Svartfjallalands á EM. Ekkert þátttökugjald, námskeiðið er í boði Systrakaffis og…

Síðastliðinn laugardag fékk Ungmennafélagið Ármann afhentan styrk frá Systrakaffi og jólasveinum. Styrkurinn frá Systrakaffi er ágóði af seldum spjöldum frá jólabingóinu sem haldið var þann 21. desember. Nú þegar hefur verið ákveðið að nýta styrkinn í að bjóða krökkum í Skaftárhreppi upp á handboltanámskeið um komandi helgi. Síðan létu tveir fjörugir jólasveinar sjá sig sem hafa verið á ferðinni á Kirkjubæjarklaustri og nágrenni á Aðfangadag undanfarin ár. Að þeirra sögn hafa jólasveinar ekkert að gera við peninga og ákváðu því að styrkja Ungmennafélagið Ármann. Við þökkum Systrakaffi og jólasveinunum innilega fyrir styrkinn!

Ungmennafélagið Ármann sendir þér og þínum hátíðarkveðju! Með kærri þökk fyrir samverustundir á árinu sem er að líða. Megi nýtt ár færa okkur öllum gæfu og gleði ásamt fullt af nýjum íþróttaminningum! Á milli jóla og nýárs verður dreift út fréttabréfi íþrótta- og æskulýðsstarfs í Skaftárhreppi. Þar sem lesa má um helstu atburði líðandi árs. Hér að neðan má lesa pistla formanns og íþróttafulltrúa en þeir munu einnig birtast í fréttabréfinu. Pistill formannsFanney Ólöf Lárusdóttir formaður Ungmennafélagsins ÁrmannsÁrið 2023 hefur einkennst af mörgum íþróttaviðburðum og miklu ,,hreyfiframboði”. Margt er í boði og reynt að höfða til sem flestra. Þetta er…

Nú er hægt að kaupa tómstundagjafabréf! Handhafi tómstundagjafabréfs getur nýtt gjafabréfið til að greiða fyrir íþróttaæfingar og námskeið hjá Ungmennafélögunum í Skaftárhreppi, Ármanni og Skafta. Gjafabréfið kostar kr. 8000 en það jafngildir æfingagjaldi fyrir eina íþróttagrein á vorönn.Allar pantanir eða fyrirspurnir um tómstundagjafabréf berist á netfangið siggi@klaustur.is Einnig er hægt að fá gjafabréf hjá Jako Sport! Eins og flestum er nú kunnugt um er nýr íþróttafatnaður Ungmennafélaganna Ármanns og Skafta frá Jako Sport. Á heimasíðu Jako Sport er hægt að kaupa gjafabréf sem nýta má til að kaupa íþróttafatnað eða aðra aukahluti. Þið finnið Jako Sport gjafabréfin með því að…

Það var mikið líf og fjör í Lindex höllinni á Selfossi þann 3. desember síðastliðinn þar sem Kjörísmótið í 6. flokki fór fram. Þetta var annar sunnudagurinn í röð sem íþróttafélagið Hamar í Hveragerði stóð fyrir fótboltamóti. Þann 23. nóvember keppti 7. flokkur en nú var röðin komin að 6. flokki. Frá USVS var eitt lið skráð til leiks í 6. flokki. Liðið spilaði alls fjóra leiki á mótinu, gegn Hamri, KFR og tveimur ÍBV liðum. Krakkarnir skoruðu fullt af mörkum, unnu leik og það sem skiptir mestu máli nutu þess að spila fótbolta. Svo sannarlega skemmtilegur sunnudagsmorgun á Selfossi!…

Hreyfiviku í Skaftárhreppi lauk formlega í kvöld með badmintonmóti í íþróttahúsinu. Leikið var í einliðaleik og voru fimm keppendur skráðir. Mótið fór þannig fram að spilað var í riðlakeppni. Að lokinni riðlakeppni mættust keppendurnir í tveimur efstu sætunum í úrslitaleik. Þau Gunnar Pétur Sigmarsson og Kristín Lárusdóttir, þar hafði Gunnar betur. Lokatölur 21-11. Sigurvegari mótsins fékk í verðlaun gjafabréf í pizzu og gos á Systrakaffi. Takk innlega fyrir Systrakaffi! Þetta var annar viðburður dagsins. Fyrr í dag var mjög áhugaverður og flottur fyrirlestur með Elísu Viðarsdóttur næringarfræðingi í félagsheimilinu Kirkjuhvoli. Hreyfiviku í Skaftárhreppi er nú lokið en við hvetjum fólk…

Iðkendur í 7. flokki USVS og foreldrar tóku daginn snemma og voru mættir á Selfoss fyrir kl. 9 í morgun. Þar fór fram Kjörísmót íþróttafélagsins Hamars í hinni glæsilegu knattspyrnuhöll Selfyssinga, Lindex höllinni. Mikil spenna var eðlilega í hópnum þar sem margir voru að spila á sínu fyrsta stóra fótboltamóti. Mótið gekk afar hratt og vel fyrir sig og stóðu keppendur USVS sig með mikilli prýði. Þeir náðu í flott úrslit, skoruðu glæsileg mörk og það sem skiptir mestu máli skemmtu þeir sér vel. Lið USVS lék fjóra leiki á mótinu, við Grindavík, Fylki og tvö lið frá Val. Sjö…

Í tilefni hreyfiviku í Skaftárhreppi var boðið upp á körfuboltamót þar sem spilað var 2 á 2. Mótið fór fram eftir hádegið í dag og gekk afar vel fyrir sig. Skráð voru til leiks fjögur lið. Þetta voru liðin ÁS, the Legendery space cowboys and the spiders from Mars, Dúmbó og Steini, Lalli og Símon. Fyrirkomulagið var þannig að spilað var í riðlakeppni. Tvö efstu liðin mættust svo í úrslitaleik. The Legendery space cowboys and the spiders from Mars unnu þrjá leiki í riðlakeppninni og lið ÁS tvo. Þessi lið spiluðu til úrslita. Mikil spenna var í úrslitaleiknum. The Legendery…