Year: 2024

Viljum bara minna á fullorðinsíþrótta dagskrána! Erum komin af stað en eins og gjarnan vill verða þá fer þetta frekar hægt af stað mætingarlega séð. Mætum sem flest og hvetjum fleiri til að mæta. Hlökkum til að sjá ykkur öll hress í íþróttahúsinu í vetur! :)

Hin árlega Íþróttavika Evrópu mun standa yfir í næstu viku. Að því tilefni verða allar æfingar félagsins opnar og erum við þá jafnframt að hefja vetrarstarfið hjá fullorðnum. Vekjum einnig athygli á því að frítt verður í sund laugardaginn 28. september og um að gera að nýta það! :) Sjáumst í íþróttahúsinu! Hér meðfylgjandi er dagskráin fyrir íþróttastarf fullorðna.

Nú þegar líða tekur á haustið fer að verða tímabært að hefja hreyfingu 60+ að nýju. Eftir að vikuleg dagskrá fyrir 60+ var sett af stað í febrúar mættu að öllu jöfnu 5-10 manns á þá viðburði sem boðið var upp á. Von okkar er að sjálfsögðu sú að það fjölgi enn frekar í hópnum í vetur! Í vetur munum við áfram bjóða upp á sundleikfimi, boccia, pokavarp og ringó. Fyrsti viðburður haustsins verður í vikunni 6.-12. október og þar með hefjum við starfið formlega veturinn 2024/25. Það er alltaf mikið fjör hjá okkur og bjóðum við nýja meðlimi velkomna…

Nú þegar seinni prufuvikan er í gangi hafa eflaust flestir nokkurn veginn gert upp hug sinn hvað þeir ætli sér að æfa í vetur. Lang flest "Allir með" valblöðin hjá 1.-4. bekk hafa skilað sér og það fer að koma nokkuð góð mynd á þetta. Nú hefur verið opnað fyrir skráningu á íþróttaæfingar í vefversluninni á Sportabler: https://www.abler.io/shop/umfarmann. Hægt er að velja um að kaupa bara haustönn eða bæði haustönn og vorönn. Skráning fyrir haustönn lokar 30. september og því hefur fólk gott svigrúm til að ganga frá þessu. En við mælum alltaf með því að fólk klári þetta sem…

Það voru 11 spenntir knattspyrnuiðkendur úr Skaftárhreppi ásamt 3 fullorðnum fylgdarmönnum sem lögðu af stað í ferðalag í hádeginu síðastliðinn föstudag. Förinni var heitið til Reykjavíkur til að fylgjast með landsleik í fótbolta. Við komuna til Reykjavíkur byrjaði hópurinn á því að gæða sér á pizzu svo að allir myndu halda saddir og sælir á völlinn. Næst var haldið niður í Laugardal þar sem hópurinn skoðaði sig um í kringum Laugardalsvöll. Á meðfylgjandi mynd má sjá hvar hópurinn stillti sér upp við styttu af knattspyrnuhetjunni Alberti Sigurði Guðmundssyni. Albert var brautryðjandi í knattspyrnu á Íslandi, afrekaði það að vera fyrsti…

Eftir smá pásu að loknu sumarstarfi hefst íþróttastarf haustannar í næstu viku. Íþróttastarf barna og unglinga hefst þá en áætlað er að íþróttastarf fullorðna og 60+ fari af stað í seinni hluta september mánaðar. Talsverð breyting er á tímatöflunni frá því sem var síðasta vetur. Fótbolti verður á mánudögum hjá 1.-10. bekk, körfubolti 5.-10. bekkjar á þriðjudögum, frjálsar íþróttir 1.-10. bekkjar á miðvikudögum sem og karate 1.-10. bekkjar. Á fimmtudögum er svo körfubolti 1.-4. bekkjar á dagskránni. 1.-4. bekkur hefur áfram kost á því að stunda íþróttaæfingar innan skólatíma. Nú á mánudögum, miðvikudögum og fimmtudögum. Lagt er upp með strax…

Nú er síðasta vika sumarstarfs Ungmennafélagsins ÁS í fullum gangi. Við ljúkum sumarstarfinu formlega næstkomandi fimmtudag, 15. ágúst, með lokahófi. Sjá nánar í meðfylgjandi auglýsingu:

Það styttist nú óðum í að sumarstarfið taki enda og nú er komið að síðustu göngu sumarsins. Að þessi sinni býður Sigurður Eyjólfur upp á göngu á heimaslóðum sínum á sunnudaginn. Gengið verður upp á Pétursey í Mýrdal. Mæting er við kappreiðavöllinn vestan við Pétursey og er áætlað að ganga af stað kl. 14:00. Gangan er nokkuð þægileg, það eru stuttir kaflar sem gengið er í skriðu, en annars er allt gróið og nokkuð auðvelt yfirferðar.

Síðustu tvær vikurnar hefur staðið yfir leikjanámskeið á Kirkjubæjarklaustri. Fyrsta námskeiðið í þessari mynd fór fram árið 2020 og var þetta því fimmta árið í röð sem boðið er upp á leikjanámskeið með þessu sniði. Námskeiðið hefur þó breyst talsvert frá því það hóf göngu sína, dögunum hefur fjölgað og ýmsir viðburðir bæst við. Það er þó einn viðburður sem hefur haldið sér öll árin og það er hin vinsæla heimsókn slökkviliðs Skaftárhrepps. Þeir kíktu í heimsókn í dag og úr varð mikið fjör þar sem allir urðu að lokum blautir, krakkarnir sem og fullorðna fólkið! Hlaupið í skarðið eftir…