Year: 2023

Reynsluboltinn Ólafur Elí Magnússon ætlar að mæta ásamt nokkrum hressum Rangæingum og kynna ringó fyrir íbúum Skaftárhrepps. Þann 5. nóvember kl. 11:00 í íþróttahúsinu. Ringó er grein sem nýtur vaxandi vinsælda, svipar nokkuð til blaks en í stað bolta eru notaðir tveir gúmmíhringir. Greinin hentar öllum, ungum sem öldnum. Sem sagt sannkallað fjölskyldusport þar sem fólk á öllum aldri getur tekið þátt. Ringó er vinsæl grein meðal eldri borgara víða um land og hvetjum við alla sem hafa tök á að mæta á kynninguna þann 5. nóvember. Áhugasamir fá tækifæri til að prófa en einnig er velkomið að koma og…

Þrír viðburðir verða á vegum Ungmennafélagsins á Uppskeruhátíðinni um komandi helgi. Í gær auglýstum við Íþróttaskóla og Badminton LED. Þessir viðburðir verða á morgun, laugardag. Þriðji viðburðurinn er karatesýning en þar munu karateiðkendur í Skaftárhreppi koma fram. Sýningin verður á morgun, laugardag, og hefst kl. 12:45. Mæting hjá iðkendum er stundvíslega kl. 12:30. Verið öll velkomin, fjölmennum!

Íþróttaskóli Skaftárhrepps verður opinn á Uppskeruhátíðinni. Um er að ræða opna kynningu á íþróttaskólanum þar sem öllum er velkomið að líta við. Ekki er neitt sérstakt aldursviðmið og því hvetjum við gamla nemendur íþróttaskólans sérstaklega til að mæta og rifja upp gamla takta! Fólk getur komið og farið eftir því sem hentar hverjum og einum, opið hús milli kl. 9:30-10:30 á laugardaginn. Hlökkum til að hitta ykkur, Fanney Ólöf og co.

Opnað hefur verið fyrir skráningar í fullorðinssport Ungmennafélagsins Ármanns á haustönn. Skráningin fer fram í vefverslun félagsins á Sportabler. Á dagskránni í haust fyrir fullorðnafólkið er blak, karate, fótbolti, körfubolti, badminton og borðtennis. Lágmarksþátttaka í hverja grein er 6. Nánari upplýsingar má finna hér að neðan. Æfingatímabilið er 3. október - 14. desember. Fyrir frekari upplýsingar má senda póst á siggi@klaustur.is

Það var líf og fjör í íþróttahúsinu á Kirkjubæjarklaustri um helgina þar sem fór fram fimleikanámskeið. Þjálfari á námskeiðinu var Birna Sólveig Kristófersdóttir. Fimleikar hafa ekki mikið verið stundaðir á Klaustri. En í sumar buðum við fyrst upp á helgarnámskeið sem var mjög vel sótt og mikil ánægja var með. Það var því afar ánægjulegt að geta boðið upp á annað námskeið nú um helgina. Líkt og síðast þá var námskeiðið vel sótt og mikil gleði. Að lokum þökkum við Birnu kærlega fyrir komuna. Jafnframt færum við vinum okkar í Umf. Kötlu bestu þakkir fyrir að lána okkur dýnu fyrir…

Í dag sendi USVS inn umsókn þar sem sambandið sækir um að halda Landsmót 50+ árið 2025 á Kirkjubæjarklaustri. Sveitarstjórn Skaftárhrepps samþykkti samhljóða á fundi sínum 14. september síðastliðinn að styðja umsókn USVS. Í bókun sveitarstjórnar segir meðal annars: „Skaftárhreppur lýsir sig jafnframt reiðubúið til að vera USVS og UMFÍ til aðstoðar á hvern þann hátt sem getur orðið til þess að mótið verði sveitarfélaginu og ungmennasambandinu til sóma”. USVS hefur einu sinni staðið að framkvæmd Landsmóts 50+ en það var árið 2013 í Vík í Mýrdal. Umsóknarfrestur rennur út 1. október. Í kjölfarið tekur við einhver bið eftir að…

Ungmennafélagið Ármann mun að sjálfsögðu bjóða upp á ýmsa hreyfiviðburði fyrir fullorðna á komandi hausti. Í síðustu viku hófst körfuboltinn. Hann verður á miðvikudögum í haust frá kl. 19:30-21:00. Annað kvöld hefst svo karate fyrir fullorðna, þjálfari er Gunnar Erlendsson. Æfingarnar fara fram á þriðjudögum í haust frá kl. 19:30-20:30. Æfingin á morgun er opin til prufu! Síðar í vikunni mun svo opna fyrir skráningar á Sportabler og þá þarf að borga skráningargjöld ætli fólk sér að vera áfram með. Fleiri greinar munu svo bætast við fullorðinssportið þegar líður á haustið. Það verður kynnt betur síðar!

Það var heldur betur mikið líf og fjör í síðustu viku þegar íþróttastarf haustannar hjá börnum og unglingum fór af stað. Fyrsta æfingavikan heppnaðist virkilega vel og þátttaka mjög góð á æfingum. Allar æfingar voru opnar til prufu í liðinni viku og það á einnig við um æfingar í þessari viku sem nú er að hefjast. Í dag verður Fanney Ólöf með fyrstu blakæfingu haustsins og hvetjum við alla til að mæta og prófa! Körfuboltaæfingarnar verða á sínum stað á morgun, þriðjudag. Fótbolti á miðvikudaginn en Siggi verður fjarverandi frá og með næsta miðvikudegi og næstu tvær vikunnar. Ekki hefur…

Íþróttahátíð USVS sem átti að vera í Vík á morgun, laugardaginn 26. ágúst, hefur verið frestað vegna slæmrar veðurspár. Íþróttahátíðin hefur verið færð yfir á sunnudaginn, 27. ágúst. Mótið hefst kl. 10:00. Skráning fer fram með því að senda tölvupóst á usvs@usvs.is

Íþróttahátíð USVS fer fram á íþróttavellinum í Vík næstkomandi laugardag, 26. ágúst. Keppni hefst kl. 10. Hvetjum alla til að skrá sig börn jafnt sem fullorðna! Skráning fer fram í tölvupósti á netfangið usvs@usvs.is þar sem fram kemur nafn, kennitala og keppnisgrein. Nánari upplýsingar um greinar í meðfylgjandi auglýsingu USVS.